Program criterias

  • Home |
  • Program criterias

PROGRAMS CRITERIAS

കൂടിച്ചേരാം കൂട്ടായ്മയോടെ ...

Download All Criterias PDF

General Criterias

  • അതിരൂപത തലത്തിൽ മികച്ച ഫൊറോനയേയും ഫൊറോന തലത്തിൽ മികച്ച ഇടവകയെയും കണ്ടെത്താൻ ഗ്രൂപ്പിനങ്ങളുടെയും വ്യക്തിഗത ഇനങ്ങളുടെയും മുഴുവൻ മാർക്ക് പരിഗണിക്കുന്നതായിരിക്കും.
  • വ്യക്തിഗത മത്സരങ്ങൾ ആൺ /പെൺ വിഭാഗത്തിലാണ് നടത്തപ്പെടുന്നത്. (അങ്ങനെ അല്ലാത്തവയ്ക്ക് പ്രത്യേക നിർദ്ദേശം കൊടുത്തിട്ടുണ്ട് ) . ഉദാഹരണം:  ഫോട്ടോഗ്രാഫി, മിമിക്രി പോലുള്ള മത്സരങ്ങളിലും ആൺ /പെൺ വിഭാഗത്തിലാണ് മത്സരങ്ങൾ നടത്തുന്നത്. കഥാപ്രസംഗം ആൺ പെൺ വ്യത്യാസമില്ലാതെയാണ് നടത്തുന്നത്.നാടോടി നൃത്തം പെൺകുട്ടികൾക്ക് മാത്രമാണ് ഉള്ളത്. 
ഗ്രൂപ്പിനങ്ങളുടെ മാർക്ക് സംഘടന തലത്തിൽ മികച്ച യൂണിറ്റ് / ശാഖയെ കണ്ടെത്താൻ പരിഗണിക്കുകയില്ല
സംഘടനകളുടെ മികച്ച യൂണിറ്റിനെ / ശാഖയെ കണ്ടെത്താൻ സംഘടനകളുടെ വ്യക്തിഗത ഇനങ്ങളുടെ മാർക്കും,ഓരോ സംഘടനയുടെയും ആന്തത്തിന്റെ മാർക്കും മാത്രമെ കൂടുകയുള്ളൂ. അതോടൊപ്പം സംഘടനകളുടെ സാഹിത്യ മത്സരത്തിന്റെ മാർക്ക് ഉണ്ടെങ്കിൽ അതും പരിഗണിക്കുo.
ഗ്രൂപ്പിനങ്ങൾക്ക് ഒരു ടീം വരുമ്പോൾ അവർ എല്ലാവരും ഒരു ഇടവകയിൽ തന്നെ ഉള്ളവരായിരിക്കണം. പല ഇടവകക്കാർ ഒന്നിച്ചു ചേർന്ന് ഗ്രൂപ്പിനങ്ങൾക്ക് മത്സരിക്കാൻ പാടില്ല.
മേഖല മത്സരത്തിൽ ഒന്നിലധികം ടീം മത്സരിക്കാൻ ഇല്ലെങ്കിൽ തയ്യാറായിരിക്കുന്ന ടീമിനെ നേരിട്ട് അതിരൂപത മത്സരത്തിൽ പങ്കെടുപ്പിക്കാവുന്നതാണ്.
വിവിധ സംഘടനകളുടെ മത്സരത്തിൽ പങ്കെടുക്കുവാനായി അതതു സംഘടനകളുടെ അംഗത്വ കാർഡ് നിർബന്ധമാണ് എന്ന കാര്യം പ്രത്യേകമായി ഓർമ്മിപ്പിക്കുന്നു. അംഗത്വ കാർഡോ, പിന്നണിയിൽ പ്രവർത്തിക്കുന്നവർക്ക് വികാരിയച്ചന്റെ കത്തോ ഇല്ലാത്ത ടീമിന്  മത്സരത്തിൽ പങ്കെടുപ്പിക്കുന്നതെല്ല.  
നാടോടി നൃത്ത മത്സരം പെൺകുട്ടികൾക്ക് മാത്രമായിട്ടുള്ളതാണ്.
സബ് ജൂനിയർ, ജൂണിയർ വിഭാഗങ്ങൾക്കുള്ള പ്രസംഗ വിഷയങ്ങൾ മിഷൻലീഗിന്റെ നേതൃത്വത്തിൽ നേരത്തെ നൽകിയിട്ടുള്ളതാണ്. എന്നാൽ സീനിയർ, സൂപ്പർ സീനിയർ വിഭാഗക്കാർക്കുള്ള പ്രസംഗ വിഷയങ്ങൾ 5 മിനിറ്റ് മുമ്പ് നൽകും. ആനുകാലിക വിഷയങ്ങളെയും ക്രൈസ്തവ മൂല്യങ്ങളെയും ഉൾകൊള്ളിച്ചുള്ള വിഷയമായിരിക്കും നൽകുക.
ഫൊറോന തല മത്സരങ്ങൾക്ക് സംഘടനകളുടെ രൂപത, മേഖല ഭാരവാഹികൾക്ക് മത്സരിക്കാൻ സാധിക്കില്ല.
മത്സരങ്ങളിൽ പങ്കെടുക്കുന്നവർ സംഘടനയുടെ അംഗത്വ കാർഡ് മത്സരസമയത്ത് കൈവശം കരുതേണ്ടതാണ്. പിന്നണിയിൽ പ്രവർത്തിക്കുന്നവർക്ക് തലശ്ശേരി അതിരൂപതാ അംഗമാണെന്ന് തെളിയിക്കുന്ന വികാരി അച്ഛൻറെ കത്ത് കൈവശം ഉണ്ടായിരിക്കണം.
വ്യക്തിഗത മത്സരങ്ങൾ പ്രായപരിധി അനുസരിച്ച് ആറ് കാറ്റഗറി ഉണ്ടാകും 1.സബ്ജൂനിയേഴ്സ് :-  2014 ജനുവരി 1-നോ ശേഷമോ ജനിച്ചവർ ( 12 വയസ്സും അതിൽ താഴെയും) 2.ജൂനിയേഴ്സ് :- 2011 ജനുവരി 1 - 2013 ഡിസംബർ 31 വരെ (13 വയസ്സു മുതൽ 15 വയസ്സ് വരെ)    3.   സീനിയേഴ്സ് A- 2007 ജനുവരി 1 -2010 ഡിസംബർ 31 വരെ ( 16വയസ്സ് മുത 19 വയസ്സ് വരെ) 4.സീനിയേഴ്സ് B-1996 ജനുവരി 1 - 2006 ഡിസംബർ 31 വരെ(20 വയസ്സ് മുതൽ 30 വയസ്സ് വരെ)5. സൂപ്പർ സീനിയേഴ്സ് 1986 ജനുവരി 1- 1995 ഡിസംബർ 31 വരെ(31 വയസ്സ് മുതൽ 40 വയസ്സ് വരെ) 6.എൽഡേഴ്സ് 1986 ജനുവരി 1 ന് മുൻപ് ജനിച്ചവർ(40 വയസ്സിന് മുകളിൽ പ്രായമുള്ളവർ) വ്യക്തിഗത മത്സരങ്ങൾ ആൺ / പെൺ വിഭാഗങ്ങളിലായി നടത്തുന്നു.വ്യക്തിഗത ഇനങ്ങളിൽ ഒരാൾക്ക് ഒരു സാഹിത്യ മത്സരത്തിലും ഒരു കലാമത്സരത്തിലും മാത്രമേ പങ്കെടുക്കാനാകൂ.മാർഗ്ഗംകളി, സംഘഗാനം, സംഘനൃത്തം എന്നീ ഗ്രൂപ്പ് ഇനങ്ങൾ രണ്ട് വിഭാഗങ്ങളായിട്ടായിരിക്കും നടത്തുക. സബ്ജൂനിയർ, ജൂനിയർ, സീനിയർ ഒരു വിഭാഗവും, സൂപ്പർ സീനിയർ, എൽഡേഴ്സ് മറ്റൊരു വിഭാഗവുമായിട്ടായിരിക്കും മത്സരങ്ങൾ നടത്തുക.ഒരു വ്യക്തിക്ക് രണ്ട് ഗ്രൂപ്പ് ഇനങ്ങളിൽ പങ്കെടുക്കാം.(കുടുംബ കൂട്ടായ്മ ആന്തം ഒഴികെ) സംഘ ഗാന മത്സരത്തിൽ പുരുഷൻമാരും സ്ത്രീകളും ഉണ്ടായിരിക്കണം.കുടുംബ കൂട്ടായ്മ ആന്തത്തിൽ പുരുഷൻമാരും സ്ത്രീകളും ഉൾപ്പെടെ എല്ലാ പ്രായ വിഭാഗക്കാരുംഉണ്ടായിരിക്കണം.

മത്സരങ്ങൾക്കുള്ള രജിസ്ട്രേഷൻ ഓൺലൈനിൽ ഇടവകതലത്തിൽ നടത്താൻ ശ്രദ്ധിക്കണം. അതാത് പ്രായവിഭാഗത്തിൽപ്പെട്ടവർ ആ വിഭാഗത്തിൽ തന്നെ രജിസ്ട്രേഷൻ ചെയ്യണം. ഇടവക തലത്തിൽ രജിസ്ട്രേഷൻ പൂർത്തീകരിച്ചാൽ ഉടൻതന്നെ അതിൻറെ കോപ്പിയെടുത്ത് വികാരി അച്ഛൻറെ ഒപ്പും ഇടവകയുടെ സീലും വെച്ച് ഫൊറോന കലോത്സവത്തിന്റെ ജനറൽ കോർഡിനേറ്ററെ ഏൽപ്പിക്കണം.അതിരൂപതാ കലോത്സവത്തിന് മത്സരാർത്ഥികൾ രജിസ്ട്രേഷൻ ഫീസ്  അടയ്ക്കേ ണ്ടതാണ്. വ്യക്തിഗത ഇനങ്ങൾക്ക് 50 രൂപയും ഗ്രൂപ്പ് ഇനങ്ങൾക്ക് 100 രൂപയുമായിരിക്കും ഫീസ് അടയ്ക്കേണ്ടത്. രചനാ മത്സരങ്ങൾ ഓഗസ്റ്റ് 28 ന് 19 മേഖലാ കേന്ദ്രങ്ങളിലായി നടത്തുന്നതാണ്. സെപ്റ്റംബർ 8 ന് മുൻപായി മേഖലാതലത്തിൽ ഓരോ വിഭാഗത്തിലും ഒ്നനാം സ്ഥാനം കരസ്ഥമാക്കിയവരുടെ പേരു വിവരങ്ങളും പേപ്പറുകളും രജിസ്ട്രേഷൻ ഫീസിനൊപ്പം മേഖലാ കോഓർഡിനേറ്റർ അതിരൂപതാ ഓഫീസിൽ ഏൽപിക്കേണ്ടതാണ്.കലാമത്സരങ്ങളിൽ ഓരോ ഇനങ്ങളിലും ഫൊറോനയിൽ ഒന്നാം സ്ഥാനം ലഭിക്കുന്നവരുടെ ലിസ്റ്റ് ഒക്ടോബർ 4-നു മുൻപായി സോഫ്റ്റ് വെയറിൽ ചേർത്ത് ഓരോ മത്സര ഇനങ്ങൾക്കുമുള്ള രജിസ്ട്രേഷൻ ഫീസ് അടയ്ക്കേണ്ടതാണ്.

എല്ലാ മത്സര ഇനങ്ങളും ബൈബിൾ പ്രേമേയങ്ങളെ അടിസ്ഥനമാക്കിയുള്ളവയും ക്രൈസ്തവ മൂല്യങ്ങൾ നൽകുന്നവയുമായിരിക്കണം. അവതരണത്തിൽ ആനുകാലിക ആവിഷ്കരണം അനുവദിനീയമാണ്
ഏകാങ്കമത്സരത്തിനുള്ള രചനകൾ അംഗീകരിക്കുന്നതിനായി 2026 സെപ്റ്റംബർ 5 - നു മുൻപ് തലശേരിയിലെ ബൈബിൾ അപ്പസ്തോലറ്റെ് ഓഫീസിൽ ഏൽപ്പിക്കണം. ഏതെങ്കിലും രചന അവതരണയോഗ്യമല്ലന്നു ജൂറി തീരുമാനിക്കുന്ന പക്ഷം ആ വിവരം 2026 സെപ്റ്റംബർ 20 -നു മുൻപ് ബന്ധപ്പെട്ടവരെ അറിയിക്കുന്നതാണ്. മാറ്റം വരുത്തി വീണ്ടും സമർപ്പിക്കാനുള്ള സമയപരിധി ഒക്ടോബര് 1 വരെയാണ് . ഒരിക്കൽ ഒരു രചന അംഗീകരിച്ചു കഴിഞ്ഞാൽ അതിനു പകരമായി മറ്റൊന്നും സ്വീകരിക്കുന്നതല്ല. അംഗീകാരം ലഭിച്ചിട്ടില്ലാത്ത രചനകൾ അവതരിപ്പിക്കാൻ അനുവദിക്കുന്നതല്ല.
വ്യക്തിഗത/ ഗ്രൂപ്പിനങ്ങളിൽ മത്സരാർത്ഥിക്ക് പങ്കെടുക്കാനാവാത്ത അവസ്ഥ വന്നാൽ പകരം മറ്റൊരാളെ പങ്കെടുപ്പിക്കാവുന്നതാണ്. മത്സരത്തിന് 24 മണിക്കൂർ മുൻപ് കേന്ദ്ര ഓഫീസിൽ  ഈക്കാര്യം അറിയിച്ച്  പേരുവിവരങ്ങളും അംഗത്വ കാർഡും നൽകേണ്ടതാണ്.
മത്സരിക്കുന്നവർക്ക് ലഭിക്കുന്ന മാർക്കിന്റെ അടിസ്ഥനത്തിൽ ഗ്രേഡ് നിശ്ചയിച് പോയിന്റുകൾ കണക്കാക്കുന്നതാണ്. വ്യക്തിഗത ഇന മത്സരവിജയികൾക്ക് 5 ,3 ,1 എന്ന വിധത്തിലും ഗ്രൂപ്പ് മത്സര വിജയികൾക്ക് 10 ,7 ,5 എന്ന വിധത്തിലും മാർക്ക് നൽകുന്നതാണ്. കൂടാതെ 5 , 3 , 1 എന്ന വിധത്തിൽ എ, ബി, സി ഗ്രേഡ് നിശ്ചേയിച്ഛ് സമ്മാനങ്ങൾക്കായി കണക്കാക്കുന്നതാണ്. ഓരോ ഇനത്തിലും ഒന്ന് രണ്ട്, മൂന്ന് സ്ഥാനക്കാർക്ക് മെമൻറോയും ക്യാഷ് അവാർഡും സർട്ടിഫിക്കറ്റുകളും  നൽകുന്നതാണ്. ഇതോടൊപ്പം സംഘടനാതലത്തിൽ വിജയികളാകുന്നവർക്ക് സർട്ടിഫിക്കറ്റുകളും മോമെന്റോയും നൽകുന്നതാണ്. പോയിന്റിന്റെ അടിസ്ഥാനത്തിലാരിക്കും ഓവറോൾ ചാംപ്യൻഷിപ് നിശ്ചേയിക്കുക. ഏറ്റവും കൂടുതൽ പോയിന്റുകളോടെ ഒന്നും രണ്ടും മൂന്നും സ്ഥാനങ്ങൾ നേടുന്ന ഫൊറോനകൾക്കും ഇടവകകൾക്കും  എവെർറോളിങ്ങ് ട്രോഫികൾ നൽകുന്നതാണ്. അതിരൂപതാതലത്തിൽ വ്യക്തിഗത ഇനങ്ങളിൽ സമ്മാനാര്ഹരാകുന്നവരുടെ പോയൻറ് മാത്രമേ മികച്ച ഇടവകയെ കണ്ടെത്താൻ അതിരൂപതാ തലത്തിൽ ഉപയോഗിക്കുകയുള്ളു. വിവിധ സംഘടനാംഗങ്ങൾക്ക് വ്യക്തിഗത/ഗ്രൂപ്പിനങ്ങളിൽ ലഭിക്കുന്ന പോയൻറുകൾ പരിഗണിച്ച് മികച്ച മേഖലകൾക്ക് സംഘടനകളുടെ എവർ റോളിംഗ് ട്രോഫികൾ വിതരണം ചെയ്യുന്നതാണ്.
2026 ഒക്ടോബർ 7 -നു രാവിലെ 11 മണിക്ക് ചെമ്പേരി വിമൽജ്യോതിയിൽവച്ച് നറുക്കെടുപ്പ് നടത്തി നിശ്ചേയിക്കുന്നതാണ്. ഫൊറോനാ കോർഡിനേറ്റർക്കോ ആദ്ദേഹത്തിന്റെ പ്രതിധിക്കോ നറുക്കെടുപ്പിൽ പങ്കെടുക്കാം. മത്സരവേളകളിൽ ആദ്യന്തം ഓരോ ഫൊറോനയുടെയും കോർഡിനേറ്ററോ  ആദ്ദേഹം നിശ്ചേയിക്കുന്ന ടീം മാനേജരോ മത്സരസ്ഥലത്ത് ഉണ്ടായിരിക്കണം

ഫലപ്രഖ്യാപനം നടന്ന് 15 മിനിറ്റിനുള്ളിൽ, അപ്പീൽ രേഖാമൂലം ജനറൽ കോർഡിനേറ്ററുടെ പക്കൽ ജൂറി ഓഫ് അപ്പീലിന് വ്യക്തിഗത ഇനത്തിൽ 500 /- രൂപയും  ഗ്രൂപ്പിനത്തിന് 1000/-രൂപയും ഫീസൊടുകൂടി നൽകേണ്ടതാണ് എല്ലാ മത്സരങ്ങളിലും ജൂറി ഓഫ് അപ്പീൽ തീരുമാനം അന്തിമമായിരിയ്ക്കും. തികച്ചും ന്യായമായ അപ്പീലുകൾക്ക് തുക തിരികെ നൽകുന്നതാണ്.


കലോത്സവത്തിൽ പങ്കെടുക്കുന്നവർക്കും സഹായികൾക്കും ഭക്ഷണം മിതമായ നിരക്കിൽ ലെഭിക്കുന്നതാണ്. എത്ര പേർക്ക് ഭക്ഷണം വേണ്ടിവരുമെന്ന് 2026 ഒക്ടോബർ 5 - നു മുൻപ് റവ.ഫാ.ആൻറണി കിടാരത്തലിനെ (ഫോൺ-9778194799) അറിയിക്കേണ്ടതാണ്. ഈ തിയതിക്കകം അറിയിക്കാത്തവർക്ക് ഭക്ഷണം ലഭിക്കുന്നതല്ല. ഭക്ഷണത്തിനുള്ള ഫീസ് ഒക്ടോബർ 10 ന് മുൻപായി മേഖലാ കോ ഓർഡിനേറ്റേഴ്സിന് അയച്ചുതരുന്ന അക്കൌണ്ടിലേയ്ക്ക് ട്രാൻസ്ഫർ ചെയ്യേണ്ടതാണ്.

കലോത്സവദിനത്തിൽ താമസസൗകര്യം ആവശ്യമുള്ളവർ ഫൊറോനാ കോഓർഡിനേറ്റർ വഴി ഒക്ടോബർ 5 - നു മുൻപ് റവ.ഫാ.ക്രിസ് കടക്കുഴയിലിനെ അറിയിക്കേണ്ടതാണ്. (ഫോൺ-8547724795)

 മത്സരത്തിനിടയിൽ വരുന്ന സാങ്കേതിക പിഴവുകൾ ജൂറി ഓഫ് അപ്പീലിന് ബോധ്യമാകുന്ന രീതിയിൽ തെളിവുകൾ സഹിതം അവതാരിപ്പിച്ചാൽ പിഴവുകൾക്ക് മൈനസ്  മാർക്ക് നൽകുന്നതാണ്.

ഫൊറോനാ കലോത്സവ സമിതി കോഓർഡിനേറ്റർ ആണ് പരാതികൾ ജൂറി ഓഫ് അപ്പീലിന് നൽകേണ്ടത്.

 മത്സരങ്ങളിൽ സമയക്ലിപ്തത പാലിക്കാതിരിക്കുകയോ, പൊതുവായ നിർദേശങ്ങൾ തെറ്റിക്കുകയോ ചെയ്താൽ അത് മൂല്യനിര്ണയത്തെ ബാധിക്കുന്നതാണ്. ഓരോ പിഴവിനും ടോട്ടൽ മാർക്കിന്റെ 5% മാർക്കിൽ കുറവ് ചെയ്യുന്നതാണ് : 

മൂല്യനിര്ണയവുമായി ബന്ധപ്പെട്ടു യാതൊരു സംശയവും വിധികർത്താക്കളോടു നേരിട്ട് ചോദിയ്ക്കാൻ പാടില്ല.

 മത്സരഫലങ്ങൾ കോടതിയിൽ ചോദ്യം ചെയ്യാൻ പാടുള്ളതല്ല, മത്സരത്തിനുശേഷം സാമൂഹിക മാധ്യമങ്ങളിലൂടെ ആക്ഷേപം ഉന്നയിക്കാൻ പാടുള്ളതല്ല.  

ജൂറി ഓഫ് അപ്പീൽ എടുക്കുന്ന തീരുമാനത്തിന് മുകളിൽ വേറെ അപ്പീലിന് അവസരമുണ്ടായിരിക്കില്ല. 

മത്സരാർത്ഥി സ്വന്തമായി എടുത്ത ഫോട്ടോ മാത്രമേ സമർപ്പിക്കാവൂ.

ഫോട്ടോ വ്യക്തതയുള്ളതും വിഷയം വ്യക്തമായി അവതരിപ്പിക്കുന്നതുമായിരിക്കണം.


Offstage Program Criterias

രചനാ മത്സരങ്ങൾ - ഉപന്യാസം

  • സമയം : 1.30 മണിക്കൂർ
  • വിഷയം : തത്സമയം നൽകുന്നതാണ്.
  • ഭാഷ :  മലയാളം
  • 5 പേജിൽ കവിയരുത്

Onstage Program Criterias

അവതരണ മത്സരങ്ങൾ - പ്രസംഗം

  • പ്രസംഗ സമയം 5 മിനിറ്റായിരിക്കും.
  • 4  മിനിറ്റിന്   വാണിംഗ്‌ ബെൽ ഉണ്ടായിരിക്കും .
  • ജൂനിയർ സീനിയർ,  സൂപ്പർ സീനിയർ വിഭാഗത്തിന് 5 മിനിറ്റ് മുൻപ് വിഷയം തരുന്നതായിരിക്കും..
  • സബ് ജൂനിയർ വിഷയം: ചെറുപുഷ്പ മിഷൻ ലീഗ് അംഗങ്ങൾ ക്രൈസ്തവ സാക്ഷ്യത്തിൻറെ തേരാളികൾ
  • ജൂനിയർ വിഷയം:
  • 1.വി.കൊച്ചുത്രേസ്സ്യ ക്രിസ്തു സാക്ഷ്യത്തിൻറെ മകുടം
  • 2.എൻറെ സഭ എൻറെ അഭിമാനം
  • സീനിയർ-വി.യോഹന്നാൻ 2
  • സൂപ്പർ സീനിയർ- വി.യോഹന്നാൻ 4
  • എൽഡേഴ്സ്-വി.യോഹന്നാൻ 5

അവതരണ മത്സരങ്ങൾ - സംഗീതം

  •  ക്രിസ്തീയ ഭക്തിഗാനം ആയിരിക്കണം
  • ക്ലാസിക്കൽ ഗാനങ്ങൾ പാടില്ല,  സെമി ക്ലാസിക്കൽ അനുവദിനീയമാണ്
  • സ്വരങ്ങൾ പാടില്ല, ഹമ്മിങ് ആകാം, പല്ലവി, അനുപല്ലവി- പല്ലവി പാടി അവസാനിക്കുന്നു.
  • മൈക്ക് ഉണ്ടായിരിക്കുന്നതല്ല.
  • സംഗീത ഉപകരണങ്ങൾ പാടില്ല

അവതരണ മത്സരങ്ങൾ - ബൈബിൾ വായന

  • 3 മിനിറ്റ്
  • ആശയം വ്യക്തമാകുന്ന വായന 25%, ഒഴുക്ക് 25%, സ്പുടത 25%, വിശുദ്ധ ഗ്രന്ഥം കൈകാര്യം ചെയ്യുന്ന വിധം 15%.
  •  സമയ ക്ലിപ്തത 10%
  •  ആൺ-പെൺ വിഭാഗങ്ങളിൽ മത്സരം ഉണ്ടായിരിക്കും
  • സബ് ജൂനിയർ,ജൂനിയർ വിഭാഗങ്ങൾക്ക് പുതിയ നിയമവും;സീനിയർ,സൂപ്പർ സീനിയർ വിഭാഗങ്ങൾക്ക് സമ്പൂർണ്ണ  ബൈബിളും  ആയിരിക്കും വായനക്ക് നൽകുക . 

അവതരണ മത്സരങ്ങൾ - കഥാപ്രസംഗം

  • സമയം 10 മിനിറ്റ്
  • കഥാതന്തു 25%
  • അവതരണശൈലി 25%
  • ഭാവം, ലയം, താളം 20%
  • ഭാഷാപ്രേയോഗം സ്പുടത 20%
  • സമയ ക്ലിപ്തത 10%
  • കഥാതന്തു വിശുദ്ധ ഗ്രന്ഥത്തിൽ നിന്നും എടുത്തതായിരിക്കണം
  • ഒരു ഇടവകയിൽ നിന്നും ഒരു വിഭാഗത്തിൽ ഒരു ആൾ മാത്രം പങ്കെടുക്കുന്നു
  • വ്യക്തിഗത ഇനം ആയതിനാൽ പാടുന്നതും പറയുന്നതും ഒരാൾ തന്നെ ആയിരിക്കണം.
  • വാദ്യോപകരണങ്ങൾ പാടില്ല 
  • ഓരോ പ്രായപരിധിയിൽ നിന്നും ഒരു എൻട്രി മാത്രമേ ഉണ്ടായിരിക്കും. ആൺ പെൺ വ്യത്യാസം ഉണ്ടായിരിക്കുകയില്ല.

അവതരണ മത്സരങ്ങൾ - സിംഗിൾ നാടോടിനൃത്തം

  • സമയം 7 മിനിറ്റ്
  • ആകാരം,  വേഷം 25%
  • ഭാവപ്രേകടനം 25%
  • താളം 25% ചലനഭംഗി 25% ( നാടോടി തനിമ എല്ലാ രീതിയിലും നിലനിർത്തേണ്ടതാണ് )
  • ക്രൈസ്തവ പ്രേമേയമായിരിക്കണം 
  • പെൺകുട്ടികൾക്ക് മാത്രമായിരിക്കും .

അവതരണ മത്സരങ്ങൾ - മോണോആക്ട്

  • സമയം 5 മിനിറ്റ്
  • അക്ഷരസ്പുടത 25%
  • ആശയവ്യക്തത 20%
  • ഭാവാഭിനയം 25%
  • സംഭാഷണം 20%
  • ആശയ വ്യക്തത 20%
  • പ്രമേയം  ബൈബിൾ അധിഷ്ഠിതം   ആയിരിക്കണം .
  • 4 മിനിട്ടിനു വാണിംഗ് ഉണ്ടായിരിക്കും

അവതരണ മത്സരങ്ങൾ - ആന്തം മത്സരം -മാതൃവേദി

  • ശ്രുതി 20%
  • ലയം 20%
  • താളം 20%
  • വസ്‌ത്രധാരണം 20% (സംഘടനകൾക്ക് യൂണിഫോം ഉണ്ടങ്കിൽ അത് ധരിക്കേണ്ടതാണ്).  
  • ഗായകർ തമ്മിലുള്ള പൊരുത്തം 20%
  • അതാത് സംഘടനകളുടെ നിബന്ധനകൾ പാലിക്കണം. ആന്തം മത്സരങ്ങളിൽ താളമടിച്ചു പാടുന്നത് അനുവദനീയമല്ല, അപ്രകാരം പരാതികൾ വന്നാൽ മൈനസ് മാർക്ക് നൽകുന്നതായിരിക്കും. 

  • മാതൃവേദി 

    മാതൃവേദിയുടെ യൂണിഫോം ,ബാഡ്ജ് ധരിച്ചിരിക്കണം 

    7  പേരുടെ ടീമായിരിക്കണം 

    ആദ്യം മുതൽ അവസാനം വരെ ഒന്നിച്ചാണ് പാടേണ്ടത് 

    കോറസ് മാത്രം 2 ഗ്രുപ്പായി റെക്കോഡിലേതുപോലെയാണ്  പാടേണ്ടത്     

    കെസി വൈ എം 

    താളം അടിച്ചു പാടരുത്

    സെക്കൻസ് റിപ്പറ്റിഷൻസ് എന്നിവ പാടുള്ളതല്ല

    അംഗങ്ങളുടെ എണ്ണം 3 പേരിൽ കുറയുകയോ 7 പേരിൽ കൂടുകയോ അരുത്

    പതാക പിടിക്കണം  

    മാർച്ചിങ് ട്യൂണാണ് ആലപിക്കേണ്ടത് മൈക്ക് ഉണ്ടായിരിക്കുന്നതല്ല 

    ടീമിൽ യുവാക്കളും യുവതികളും ഉണ്ടായിരിക്കണം 

    മിഷൻ ലീഗ് 

    ബാഡ്ജ് ധരിക്കണം 

അവതരണ മത്സരങ്ങൾ - മാർഗംകളി

  • സമയം 10 മിനിറ്റ് 
  • വേഷത്തിന്റെ അനുയോജ്യത 20%
  • ഭക്തിഭാവം 20%
  • താളം 20%
  • ചുവട് 20%
  • സംഗീതം 20%
  • 7 പേര് അടങ്ങുന്ന ടീം;ഒരാൾ പാടുകയും ബാക്കിയുള്ളവർ കളിക്കുകയും ചെയ്യുന്നു . മത്സരത്തിനിടയിൽ വരുത്തുന്ന സാങ്കേതിക പിഴവുകൾക്ക് മൈനസ് മാർക്ക് ഉണ്ടാകുന്നതാണ്. 
  • മുടി മായ് കെട്ടണം 
  • ചട്ട മുണ്ട്‌ എന്നവ ആവശ്യമാണ് 
  • മുണ്ടിൽ ഞൊറികൾ ഉണ്ടായിരിക്കണം
  • കൈയ്കളിൽ വീതിയുള്ള കാപ്പു വള്ള 
  • കുണുക്ക് വെള്ളകമ്മല് കാശി മാല കാൽത്തള എന്നിവ ഉണ്ടായിരിക്കണം 
  • കാലിൽ  മൈലാഞ്ചി ഉണ്ടായിരിക്കണം 
  • കളിക്കുമ്പോൾ ആഭരണങ്ങൾ അഴിയാൻ  പാടില്ല 
  • കൈ കുത്താൻ പാടില്ല 

അവതരണ മത്സരങ്ങൾ - സംഘഗാനം

  • സമയം 7 മിനിറ്റ്
  • ശ്രുതി 25% 
  • താളം 25% 
  • ഭാവം 25%
  • ഗായകർ തമ്മിലുള്ള പൊരുത്തം 25%
  • 7 പേര് അടങ്ങുന്ന ടീം  ആയിരിക്കണം .
  • ക്രൈസ്തവ ഭക്തി ഗാനം ആയിരിക്കണം,ക്ലാസിക്കൽ ,സെമിക്ലാസിക്കൽ,സ്വരങ്ങൾ & ഹമ്മിങ് എന്നിവ ആകാം.

അവതരണ മത്സരങ്ങൾ - പരിചമുട്ട്

  • സമയം 10 മിനിറ്റ് 
  • 8 പേരുടെ ഗ്രൂപ്പ് 
  • വേഷത്തിന്റെ അനുയോജ്യത 25%
  • ഭക്തിഭാവം 25%
  • താളം 25%
  • ശ്രുതി ലയം 25 %
  • 8 പേരുടെ ഗ്രൂപ്പ് (6 പേര് കളിക്കുകയും 2 പേര് പാടുകയും ചെയ്യുന്നു) 
  • പുണ്യാളചരിതം , പള്ളി ക്രിസ്തീയ ഗാനങ്ങൾ ഉപയോഗിക്കാം 
  • ചുവടിനേക്കാൾ അടവുകൾക്കു പ്രാധാന്യം 
  • മുണ്ട്‌ താറുടുത്ത് അരയിലും തലയിലും ചുവന്ന പട്ടു ധരിക്കണം 
  • കൈ ആഭരണങ്ങൾ ,കുരിശുമല എന്നിവ ധരിക്കാം 
  • കഴുത്തിലൂടെ 5 വീതിയിൽ മുണ്ട്‌ മുറുകി കെട്ടി മുറുക്കുന്നു (ചുറ്റിയുടുക്കണം)
  • കൃതാവ് നിർബന്ധം,പോരാളിയുടെ മേക്കപ്പ്,ശരിയായ വാളും പരിചയും  വേണം.
  • വാളോ പരിചയോ കളിക്കിടെ താഴെ പോയാൽ,അടവോ ചുവടോ തെറ്റിയാൽ അവ മൈനസ് മാർക്ക് ആയി പരിഗണിക്കപ്പെടുന്നതാണ്. 

അവതരണ മത്സരങ്ങൾ - സംഘനൃത്തം

  • സമയം 7 - 10 മിനിറ്റ് 
  • ക്രിസ്‌ത്യൻ തീം ആയിരിക്കണം
  • 7 പേരടങ്ങുന്ന ടീമായിരിക്കണം
  • താളം
  • ചടുലമായ ചുവടുകൾ
  • ആകർഷകമായ വേഷം 

അവതരണ മത്സരങ്ങൾ - ബൈബിൾ ദ്ര്യശ്യാവതരണം

  • സമയം 10 മിനിറ്റ് 
  • 5 പേരിൽ കൂടാൻ പാടില്ല.  സംഭാഷണങ്ങളും കംമെന്ററികളും ആകാം.  രംഗസജ്ജീകരണങ്ങൾക്കും അഴിച്ചുമാറ്റുന്നതിനായി പരമാവധി 7 മിനിറ്റ് അനുവദിക്കുന്നതാണ്.  അവതരണം 3 മിനിറ്റ് ആയിരിക്കും.  രംഗസജ്ജീകരണത്തിനു 10%ത്തിൽ കവിയാത്ത മാർകെ ലഭിക്കു.  ദൃശ്യങ്ങൾ വി.  ഗ്രന്ഥത്തിൽ നിന്നും എടുത്തവയായിരിക്കണം.  സാങ്കല്പിക കഥകൾ പാടില്ല.  കർട്ടൺ ഉൾപ്പെടയുള്ള സാങ്കേതിക ആവശ്യങ്ങൾ സ്വന്തം ഉത്തരവാദിത്വത്തിൽ നിർവഹിക്കേണ്ടതാണ്.  വൈദ്യതി സംബന്ധമായ തകരാറുകൾ ഉണ്ടായാൽ ടീമിന് ആവശ്യമെങ്കിൽ വീണ്ടും അവസരം നൽകുന്നതാണ്.  സംഭാഷണങ്ങളും കംമെന്ററികളും റെക്കോർഡ് ചെയ്ത് ഉപയോഗിക്കാവുന്നതാണ്.  3 മൈക്കും 1 സ്വിച്ച് ബോർഡും അതിരൂപതാസമിതി ബൈബിൾ ദൃശ്യാവതരണത്തിനായി സ്റ്റേജിൽ നൽകുന്നതാണ്.  എക്സ്ട്രാ ഉപകരണങ്ങൾ ടീം സ്വന്തം ഉത്തരവാദിത്വത്തിൽ സംഘടിപ്പിക്കേണ്ടതാണ്.  എൽ.സി.ഡി  ഉപയോഗിക്കാൻ പാടില്ല.  ചാൻസ് നമ്പർ ക്രമത്തിൽ മത്സരിക്കേണ്ടതാണ്.  ബൈബിൾ ദ്രിശ്യാവത്കരണത്തിനായി ചാൻസ് നമ്പർ അനൗൺസ് ചെയ്ത് കഴിഞ്ഞ് ഫൈനൽകോളിനുശേഷം ബൈബിൾ ദൃശ്യാവതരണം സ്റ്റേജിൽ അവതരിപ്പിക്കുന്നതിൽ ടീമിന്റെ ഭാഗത്തുനിന്നുള്ള വീഴ്ചകൾക്ക്  അതിരൂപത കമ്മിറ്റിക്ക് ഉത്തരവാദിത്വമുണ്ടായിരിക്കുകയില്ല.  പ്രസ്‌തുത ടീമിനെ ക്യാൻസൽ ചെയ്യുന്നതാണ്.  ഒരു ടീമിന്റെ അവതരണാരംഭം മുതൽ 10 മിനിറ്റ് കസീഞ്ഞ കർട്ടൻ ഉയർത്തി സ്റ്റേജ് ക്ലീൻ റിപ്പോർട്ട് നൽകേണ്ടതാണ്.

അവതരണ മത്സരങ്ങൾ - ബൈബിൾ ഏകാങ്കനാടകം

  •  അവതരണസമയം 20 മിനിറ്റ് ആയിരിക്കും. 
  • ബൈബിൾ സംഭവങ്ങളെ ആസ്പദമാക്കിയാണ് നാടകം അവതരിപ്പിക്കേണ്ടത്. 
  • നാടകം അവതരണത്തിനുമുൻപ്  സ്റ്റേജ്  സജ്ജീകരണത്തിനു 5 മിനിറ്റ് ലഭിക്കുന്നതാണ്. അനുവദിക്കപ്പെട്ട സമയത്തിന് മുൻപ് സ്റ്റേജിൽ ക്രമീകരണങ്ങൾ ചെയ്യാൻ പാടില്ല .
  • നാടകം കഴിഞ്ഞ്  5 മിനിറ്റിനുള്ളിൽ സ്റ്റേജ് സ്വതന്ത്രമാക്കി കൊടുക്കേണ്ടതാണ്. 
  • സ്റ്റേജ് സജ്ജീകരണത്തിനുള്ള സമയത്തിനുശേഷമേ നാടകം ആരംഭിക്കാവു.
  • സംഭാഷണങ്ങളും കംമെന്ററികളും റെക്കോർഡ് ചെയ്ത് ഉപയോഗിക്കാൻ  പാടില്ല, എന്നാൽ പശ്ചാത്തല സംഗീതമോ ശബ്ദമോ ആകാം.  
  • സ്റ്റേജിൽ കർട്ടൻ,  ഫ്രണ്ട്  കർട്ടൻ,  രണ്ടു ഫൂട്ട് ലൈറ്റ്,  മൈക്ക് എന്നിവ ലഭിക്കുന്നതാണ്.
  • വിലയിരുത്തൽ:   ഇതിവൃത്തം (25),  അവതരണം (25),  സംവേദനം (25),  അഭിനയം (25)
  • നാടകത്തിനിടയിൽ വരുത്തുന്ന സാങ്കേതിക പിഴവുകൾക്ക് മൈനസ് മാർക്ക് ഇടുന്നതാണ്. 

അവതരണ മത്സരങ്ങൾ - മൈം

10 മിനിറ്റ്  3 പേരിൽ കുറയാനോ 12 പേരിൽ കൂടാനോ പാടില്ല.  രംഗസജ്ജീകരണത്തിന്  5 മിനിറ്റ്  അനുവദിക്കും.  യുവതികളെയും യുവാക്കളെയും ഉൾപ്പെടുത്തിയ ടീമുകൾ രൂപീകരിക്കാൻ അനുവാദമുണ്ട്. മത്സരത്തിന് ശേഷം അതാത് ടീമുകൾ സ്റ്റേജ് ക്ലിയർ ചെയ്യണം.  ധാർമ്മിക മൂല്യങ്ങൾ നിറക്കുന്ന രീതിയിലുള്ള അവതരണമാകണം. 

  • ആശയം 25%
  • അവതരണം 25%
  • സർഗാത്മകത 20%
  • വേഷവിധാനം15%
  • സംഗീതം 15%

ഒരു വിഷയമോ ആശയമോ കഥയോ ശരീര ചലനങ്ങൾ, മുഖഭാവം, അംഗവിക്ഷേപം,  അംഗൻവിന്യാസം, എന്നിവയിലൂടെ അവതരിപ്പിക്കുക. 

അവതരണ മത്സരങ്ങൾ - തെരുവുനാടകം

അവതരണ സമയം 20 മിനിറ്റ്.  10 മിനിറ്റ് രംഗസജ്ജീകരണത്തിന്  ഉപയോഗിക്കാവുന്നതാണ്.  ഏത് തരത്തിലുള്ള വേഷവും ഉപയോഗിക്കാം.  എന്നാൽ മുഖത്ത് യാതൊരുവിധത്തിലുള്ള ചായവും പാടില്ല.   ആളുകളുടെ എണ്ണം കഥക്കനുസരിച് നിജപ്പെടുത്താവുന്നതാണ്.  മൈക്ക് നൽകുന്നതല്ല,.  പശ്ചാത്തല വാദ്യമായി ചെണ്ടയെ ഉപയോഗിക്കാവു.  മത്സര ശേഷം അതത്  ടീമുകൾ സ്റ്റേജ് ക്ലിയർ ചെയ്യേണ്ടതാണ്. 

  • സംഭാഷണം, അഭിനയമികവ്  25%
  • ആശയവ്യക്തത 25%
  • വേഷത്തിന്റെ അനുയോജ്യത 25%
  • പൊതുഅവതരണം 25%
  • അവതരണ സമയം 20  മിനിറ്റ് .

തെരുവുനാടകം വിലയിരുത്തുന്ന ഘടകങ്ങൾ 

  1. തെരുവിൽ അവതരിപ്പിക്കുന്ന ആക്ഷേപഹാസ്യം
  2. മാന്യമായ വേഷവിധാന രീതിയോടുകൂടിയ യൂണിഫോമിറ്റി
  3. അഭിനയം സംഭാഷണം,  സംവിധാനം,  സംഗീതം എന്നിവയ്ക് പ്രാധാന്യം.
  4. മാനുഷീക മൂല്യങ്ങളെ ഹനിക്കാത്തതും ക്രൈസ്തവ മൂല്യങ്ങൾ.  കത്തോലിക്കാ സഭയുടെ വിശ്വാസ സത്യങ്ങൾ എന്നിവയെ ചോദ്യം ചെയ്യപ്പെടാത്തതും വ്യക്തിഹത്യക്ക് കാരണവുമാകാത്ത രീതിയിൽ പ്രമേയം തയ്യാറാക്കി നാടകം അഭിനയിക്കേണ്ടതാണ്.

അവതരണ മത്സരങ്ങൾ - ഗാനമേള

  • സമയം 10 മിനിറ്റ് 
  • അംഗങ്ങളുടെ എണ്ണം ആറിൽ -കുറയുകയോ എട്ടിൽ കൂടുകയോ ചെയ്യരുത്
  • ഓർക്കസ്‌ട്രാ 35%
  • ശ്രുതിശുദ്ധി 25%
  • ഒരുമിച്ച് പാടാനുള്ള കഴിവ്  20%
  • താളം 10%
  • ലയം, ഭാവം 10%
  • 2 ഗാനങ്ങൾ ആലപിക്കണം;രണ്ടും ക്രിസ്തീയ ഭക്തി ഗാനമായിരിക്കണം.
  • ടീമിൽ കുറഞ്ഞത് 3 പേരെങ്കിലും ഗായകരായിരിക്കണം .
  • മറ്റ് നിബന്ധനകൾ  kcym നിയമങ്ങൾ അനുസരിച്ചു പാലിക്കണം .

അവതരണ മത്സരങ്ങൾ - ഫോട്ടോഗ്രാഫി

1 മണിക്കൂർ ഉത്സവ്  നടക്കുന്ന സ്ഥലത്ത് തത്സമയം തരുന്ന വിഷയത്തിൽ ഫോട്ടോയെടുത്ത് നൽകണം.  ഡിജിറ്റൽ ക്യാമറ,  പ്രൊഫഷണൽ ക്യാമറ തുടങ്ങിയ ഏതുതരം ക്യാമറയും ഉപയോഗിക്കാവുന്നതാണ്.  ഡാറ്റ ഒന്നുമില്ലാത്ത മെമ്മറികാർഡ് മാത്രമേ മത്സരത്തിന് അനുവദിക്കുകയുള്ളു.  മെമ്മറി കാർഡ് മത്സരത്തിന് മുൻപ് സംഘടകരെ കാണിച്ച ഉറപ്പുവരുത്തേണ്ടതാണ്.  മൊബൈൽ ക്യാമറ അനുവദിനീയമല്ല. 
ആൺ /പെൺ വിഭാഗത്തിലാണ് മത്സരങ്ങൾ നടത്തുന്നത്


  • ആശയം 20%
  • ഉള്ളടക്കം 20%
  • സംവേധനക്ഷേമത 20%
  • സർഗ്ഗാത്മകഥ 20%
  • സംയോജനം 20%

അവതരണ മത്സരങ്ങൾ - മിമിക്രി

5 മിനിറ്റ് ധാർമിക മൂല്യങ്ങൾക്ക് നിരക്കുന്ന രീതിയിലുള്ള അവതരണമാകണം.  ആക്ഷേപങ്ങളും അപഹാസ്യമായ പരാമർശങ്ങളും ഒഴിവാക്കണം. 
ആൺ /പെൺ വിഭാഗത്തിലാണ് മത്സരങ്ങൾ നടത്തുന്നത്


  • വിഷയത്തോടുള്ള നീതി 25%
  • അനുകരണ സാമർഥ്യം 25%
  • അഭിനയം 25%
  • തന്മയത്വം 25%

അവതരണ മത്സരങ്ങൾ - ഡിബേറ്റ്

  • സമയം 10 മിനിറ്റ്
  • 2 പേര്
  • സഭാകമ്പം ഇല്ലാതെ സംസാരിക്കാനുള്ള കഴിവ്  20%
  • ഭാഷാശുദ്ധി 15%
  • ആശയസ്പുടത 25%
  • അംഗവിക്ഷേപം 15%
  • സന്ദർഭോചിതമായ ശബ്‍ദനിയന്ത്രണം 15%
  • അക്ഷരസ്പുടത 10%
  • വിഷയം അര മണിക്കൂർ മുൻപായി നൽകും.  ഫോൺ ഉപയോഗിക്കാൻ പാടില്ല.
  • ഒരാൾ opposor -ഉം ,മറ്റെയാൾ propossor -ഉം ആയിരിക്കണം;രണ്ടുപേർക്കും 5 മിനിറ്റ് വീതം ലഭിക്കും.ആദ്യം അനുകൂലിക്കുന്ന വ്യക്തിക്കും തുടർന്ന് പ്രതികൂലിക്കുന്ന  വ്യക്തിക്കും  സംസാരിക്കാവുന്നതാണ് .